今天去看了這套戲，honey最愛的片種之一…

開始得不錯，熱鬧、娛樂性豐富，但到中段頗沉悶，拖得太長，到尾段才稍為好轉，片長約2.5小時，如果可以縮短半小時，我相信會更加緊張好睇！套戲有太多反駁的地方，例如成個州都無左，電話重打得通...唔係呀？！不過，honey話唔好「駁古」喎...fine!

友人一定又問，咁即係睇唔睇過？Ok、去睇啦！

Quote

醫冶耳水不平衡秘方

我有幾位朋友患有嚴重的耳水不平衡，平時連車都不敢開，因為那毛病隨時都可能
發作，所以，醫生建議最好別開車。

這毛病我也有，但屬於不嚴重的，所以，也沒藥吃，第一次發作在香港， 二十幾
年前了，早上起床，突然天旋地轉，立刻躺回床上，但即使是閉上了眼睛，還是感覺到一切
都在轉，頭不能動，一動就暈，然後又想吐，那種感覺很可怕。

最近一起在Food Bank做義工的一位朋友也因為耳水不平衡而進了醫院，阿刨龍劍
笙聽說有人因為耳水不平衡進了醫院，馬上介紹一個秘方給我們，那是阿一鮑魚楊貫一
師傅給她的，她這個秘方後來給了幾位朋友試，試完之後，耳水不平衡的毛病果然沒有
了。所以，阿刨特別叮囑我，把這秘方寫在專欄?，讓飽受這折磨的朋友們試一試。

材料： 一杯 (煮飯用的米杯)黑豆、一杯米、四片去皮的薑片、六碗水。
 

方法：
將米和黑豆分別在鍋中乾炒 (不放油) 數分鐘，然後加六碗水和四片薑片用大火燒
滾後用慢火熬，熬至只剩下一碗水即熄火，只喝那一碗粥水，其他的渣不吃

Honey﹕「醫生，佢無好過喎，仲係開唔到聲呀！」

醫生﹕「無可能呀，D消炎藥一定得嘅…（下省一百字）」

Honey﹕「…」

醫生﹕「佢講唔到嘢，一定是心理問題…」

我地臨走時，護士給了一張耳鼻喉專科卡片，說如果我仍開不到聲，應該去睇專科醫生…唔係呀？！

而家我當然巳開番聲，但聲線仍然十分性感，即是感冒未清，唯有睇中醫，睇下幾時好啦！

10月17-19日到德慶盤龍峽一遊，諗住睇下大陸種嘅薰衣草。團費加小費每人都要$1500，3天團來說都頗貴。報團時個sales話薰衣草是温室培植的，所以一定有得睇，最後當然是被騙了，哈哈！

失敗之旅除了看不到薰衣草，周圍的景色也真是一般，很是失望。唯一高興是，那裡的泥煨雞（走地雞）真是很好味，連我們不吃宵夜的，也連續吃了兩晚，好滿足啊！

Click 入睇相

友人見我那麼喜歡小Donut，送了這張相給我留念，呀，越睇越得意，好似毛公仔啊！

昨天很高興跟 honey 到九龍城廣場的蒲鍋吃日式燒肉，2小時內任飲任食，每位只需 $158，不說不知，我們每次去日本，都要去吃碳火燒肉，好正架。

可惜，這餐任食燒肉，真的令我很失望，食物過於淡而無味，到我食完，才發現鄰枱要加上味精粉，吓…

昨天開會時見到的小貴婦狗狗，名字叫 Donut，好嬌小同可愛呀！佢好怕醜細胆，但又想同你玩，總之好攪鬼。重要是，佢真係好乖，唔會亂吠、周圍疴...

攪到我都好想養番隻！

9月5-9日到了柬埔寨一遊，團費 $3499，但原來很多自費項目，報團時又唔講，最終每人加埋都要約 $5400！

其實都無乜景點，只有吳哥窟，但到處都差不多樣，分唔到邊到打邊到，哈哈！最深刻反之是萬人塚及波布戰爭博物館，記錄當年赤柬的罪行，好慘也好驚，不禁眼淚也掉下來！

Click 入睇相
Click 入睇柬埔寨狗狗記錄

今日就去了沙田 UA 看古仔...靚仔呀！不過去完 The Grand 就真係覺得 UA 個熒幕太細，唉，變得奄尖左添！講番套戲，無影評講到咁緊張，但都是港產片中的超水準，可以一看！

原先想去 IMAX 睇 Harry Potter，但實在無法買到飛，算吧！終於又回到 UA 看，我笑說不如坐第一二行，咁咪有大銀幕 feel 啦，哈哈！

老賓說，我真不覺 Harry Potter 有甚麼特別，我每次看部會勁釣魚，對白多，驚險特技又少...只不過是看了第一集，不看下去好似很蝕底咁，始終是一個 talk point!

相信很多人都有一對 Crocs，而我是少數沒有買的人，原因是覺得佢樣衰，但昨天看完報紙後，令我改變初衷，希望要儘快擁有一對留念！

原來 Crocs 公司管理階層不曉得做生意，Crocs 閞始時相當好賣，但質量實在太好，消費者著極對鞋都唔爛，款色又變比不大，買多一對都嫌阻「地」，漸漸銷售大幅下降，現在要大裁員，攪唔掂分分鐘要關門...

所以我要極速買一對，希望可以著一世，老公問買甚麼款式，咁緊係 classic 啦，但係乜嘢顏色好，要捱得一世，十五＋六，比 D 意見呀！